2025 жылғы 19 сәуірде Ташкентте Central Asian University Business Summit өтті. Бұл саммит Орталық Азияның іскерлік ортасына ықпал етіп отырған кәсіпкерлерді, инвесторларды және салалық көшбасшыларды біріктірді. Негізгі тақырыбы — «Экономика және көшбасшылық: болашаққа көзқарас». Шақырылған спикерлер қатарында Forbes USA төрағасы Стив Форбс, Forbes Kazakhstan негізін қалаушы Арманжан Байтасов, сондай-ақ BI Group, Hilton Tashkent және басқа да ықпалды компаниялардың өкілдері болды.

Саммит аясында мен «Қаржылық технологиялар: тұрақтылық, серіктестік, өсу» сессиясында ioka fintech кейсін ұсынып, бизнесті тек технология арқылы емес, ортақ өсу мәдениеті арқылы да масштабтауға болатынын көрсеттім.

Қазақстанға оралған соң, сервисіміздің бизнес моделін жасауға кірістік. Бірақ тез арада жүйелік проблемаға тап болдық: елімізде ондай сервисті қолдай алатын төлем инфрақұрылымы болмады. АҚШ-та онлайн төлем үшін №1 таңдау – Stripe – сенімді, ашық, әзірлеушілерге қолайлы API-мен және масштабтауға дайын шешім. Бірақ Stripe-тың даму стратегиясын қарап, Орталық Азия нарығы тіпті алыстағы жоспарларында да болмағанын түсіндік. Қазақстанда ол кезде ең жақсы эквайердің өзі айына 60 ретке дейін – 5 минуттан 30 минутқа дейін созылатын техникалық жұмыстардан қолжетімсіз болып қалатын. Қолданушы “қосымша істемей тұр” хабарламасын көріп, мәселенің эквайердің тарапынан пайда болатынын көрмейді – осылайша, компания клиенттерінен айырыла бастайды. Осы жағдай бізді түрлі ойларға итермеледі – демек, жаңаша цифрлық сервистерін ұсыну үшін алдымен сенімді инфрақұрылым құру керек.

Осылайша клиентке бағытталған, сенімді, икемді технологиялық төлем платформасын құру идеясынан ioka fintech компаниясы дүниеге келді.